ថ្ងៃទី 04-06-2011 ម៉ោង 07:14:49
ខេ ត្ដបន្ទាយមានជ័យ៖ កាលពីព្រឹកថ្ងៃទី៣ ខែមិថុនា ឆ្នាំ២០១១ នៅស្នងការដ្ឋាននគរបាលខេត្ដ មានរៀបចំអបអរសាទរទិវាបរិស្ថានជាតិ និងបរិស្ថាន ពិភពលោក ដែលប្រព្រឹត្ដទៅនៅថ្ងៃទី៥ ខែមិថុនា ឆ្នាំ២០១១។ ក្នុងនោះនៅស្នងការដ្ឋាននគរបាលខេត្ដ ក៏បានចូលរួមធ្វើពលកម្មដែលមានកម្លាំងការិយាល័យស្នងការដ្ឋាន នគរបាលខេត្ដ និងមន្ដ្រីនគរបាលជាសិក្ខាកាមចំនួន១១១នាក់ ដឹកនាំដោយលោកវរសេនីយ៍ឯក ពូន សានិត ស្នងការរងតំណាង លោកឧត្ដមសេនីយ៍ត្រី ខេង ស៊ុម ស្នងការនគរបាលខេត្ដ។
លោក វរសេនីយ៍ឯក ពូន សានិត ស្នងការរងនគរបាលខេត្ដបានមានប្រសាសន៍ឱ្យដឹងថា ក្រោមការណែនាំចង្អុលបង្ហាញរបស់លោកនាយឧត្ដម សេនីយ៍ នេត សាវឿន អគ្គស្នងការនគរបាលជាតិ និងលោកឧត្ដមសេនីយ៍ត្រី ខេង ស៊ុម ស្នងការនគរបាលខេត្ដ ចាត់ឱ្យកម្លាំងនគរបាលចំណុះស្នងការដ្ឋាន ចូលរួមធ្វើពលកម្មដើម្បីអបអរសាទរ ទិវាបរិស្ថានជាតិ និងពិភពលោក ក្នុងគោលបំណងនាំមកនូវសុខភាពល្អ បរិស្ថានល្អ និងឱ្យមានសោភ័ណភាពល្អស័ក្ដិសមជាកន្លែងរដ្ឋបាលសាធារណៈ ដែលជាកន្លែងបម្រើសេវាកម្មដល់ប្រជា ពលរដ្ឋ។
លោកស្នងការរងក៏បានបន្ដទៀថា ស្នងការដ្ឋាននគរបាលខេត្ដ បានផ្សព្វផ្សាយដល់គ្រប់អធិការនគរបាលស្រុក-ក្រុង និងវរសេនាតូចការពារព្រំដែនគោកទាំងអស់ នាំគ្នាចូលរួមធ្វើពលកម្មសម្អាតទីធ្លាក្នុងអង្គភាពនិមួយៗ ឱ្យបានស្អាតល្អក្នុងការចូលរួមអបអរសាទរ ទិវាបរិស្ថានជាតិនេះផងដែរ។ លោកក៏បានធ្វើការណែនាំដល់កងកម្លាំងនគរបាលទាំងអស់ បន្ទាប់ពីយើងធ្វើពលកម្មនាំមកនូវបរិស្ថានស្អាតល្អហើយ យើងក៏ត្រូវតែបន្ដចូលរួមធ្វើអនាម័យជាប្រចាំដែរ ដើម្បីឱ្យមានសុខភាពល្អជាមួយគ្នានោះ កម្លាំងនគរបាលត្រូវតែគោរពវិន័យរបស់កងកម្លាំងនគរ បាលជាតិ និងខិតខំបំពេញតួនាទីភារកិច្ចការពារ សន្ដិសុខ សណ្ដាប់ធ្នាប់សុវត្ថិភាព ជូនដល់ប្រជាពលរដ្ឋផងដែរ៕
0 comments:
Post a Comment