![](http://2.bp.blogspot.com/-oNqdfLJpg4I/Tq3AkzK4cnI/AAAAAAAABW8/N4uCxnly6ms/s000/date.png)
3:25 PM
![](http://2.bp.blogspot.com/-voen26x-ZkQ/Tq3AlEVF0II/AAAAAAAABXE/LkbIgh8UFGs/s000/user.png)
Email:knewdaynews@yahoo.com
No comments
ថ្ងៃទី 01 ខែឧសភា ឆ្នាំ2011, ម៉ោង 06:07 AM អាន ប៊ុនរត្ននៈ
![](http://akt-media.com/images/stories/110501010.jpg)
នៅអមសងខាងផ្លូវជាតិលេខ៦២ ដែលតភ្ជាប់ពីខេត្តកំពង់ធំ ទៅខេត្តព្រះវិហារ ដែលពីមុនគ្របដណ្តប់ទៅដោយព្រៃឈើធំៗ និងមានសត្វព្រៃ រត់ឆ្លងកាត់ផ្លូវប្រសេចប្រសាច នាពេលនេះ បានរងការបំផ្លិចបំផ្លាញដោយពួកឈ្មួញ និងប្រជាជនក្រីក្រយ៉ាងធ្ងន់ធ្ងរ។
ការបំផ្លិចបំផ្លាញនេះ កើតឡើងដោយសារប្រជាជន និងក្រុមឈ្មួញ នាំគ្នាកាប់រានព្រៃ ធ្វើចម្ការ ដោយខុសច្បាប់ ខណៈដែលក្រុមមន្ត្រីបរិស្ថាន ប្រចាំនៅឃុំរម្យណីយ ស្រុករវៀង ខេត្ពព្រះវិហារ ហាក់ពុំអើពើអ្វីទេ ប៉ុន្តែបែរជានាំគ្នាទៅឈរយកលុយពីឈ្មួញនិងប្រជាជន ដែលកាប់ឈើខុសច្បាប់ ដើម្បីយកប្រាក់ដាក់ហោប៉ៅខ្លួនទៅវិញ។
លោកគង់ ស្រស់ អ្នកភូមិជីអោក ឃុំស្រុកខាងលើ ជាជនជាតិកួយ បានឲ្យដឹងថាតាំងពីដូនតាមក គ្រួសារលោក ប្រកបរបរចិញ្ចឹមជិវិត ដោយកាប់វល្លិ៍ រកជ័រឈើលក់ និងធ្វើចម្ការវិលជុំ។ លោកក៏ដឹងដែរថា ការកាប់បំផ្លាញព្រៃឈើ ជារឿងខុសច្បាប់ដែរ ប៉ុន្តែលោកសង្កេតឃើញថា ឲ្យតែបង់ឲ្យលោកគង់ សម្បត្តិ នាយរងបរិស្ថានទៅ គឺមិនអីទេ តែបង់មិនបង់ជូនទេ នឹងត្រូវចាប់មិនខាន។
![](http://akt-media.com/images/stories/110501011.jpg)
ទាក់ទិននឹងការចោទប្រកាន់របស់ប្រជាជន ក៏ដូចជាឈ្មួញទិញឈើ ខាងលើនេះ នៅមិនទាន់មានការបកស្រាយពីនាយរងបិស្ថានរូបនេះ នៅឡើយទេ ប៉ុន្តែប្រសិនបើនេះ ជាការពិត ក្រសួងបរិស្ថាន និងអាជ្ញាធរខេត្ត គួរចាត់វិធានការទប់ស្កាត់ជាបន្ទាន់ បើមិនដូច្នោះទេ តំបន់ដែលមានធម្មជាតិពណ៌បៃតងនេះ នឹងរងការបំផ្លាញកាន់តែធ្ងន់ធ្ងរជាងនេះទៅទៀត៕
Email This
BlogThis!
Share to Facebook
0 comments:
Post a Comment