3:32 PM
Email:knewdaynews@yahoo.com
ថ្ងៃទី 04 ខែកុម្ភៈ ឆ្នាំ2012, ម៉ោង 08:39 AM សមុទ្រខៀវ
ខេត្តព្រះសីហនុៈ ទឹកដែលមានពណ៏ខ្មៅ នឹងពោរពេញទៅដោយក្លិនស្អុយ ស្ទើរទ្រាំមិនបាន បានហូរចាក់ចូលសមុទ្រខ្មៅពាសពេញទឹកចម្ងាយ១គីឡូម៉ែត្រពី ឆ្នេរ បង្ករឲ្យមានផលប៉ះពាល់យ៉ាងខ្លាំងដល់ ភ្ញៀវទេសចរជាតិ និងអន្តរជាតិ ជាពិសេសប្រជាពលរដ្ឋដែលរស់នៅតំបន់នោះ។
លោក ពៅ តំណាងឲ្យប្រជាពលរដ្ឋរស់នៅតំបន់នោះបានរៀបរាប់ថា ទឹកពណ៌ខ្មៅដែលមានក្លិនស្អុយយ៉ាងខ្លាំងនេះគឺបាន ហូរចាក់ចូលសមុទ្រជាង១០ថ្ងៃមកហើយ ដោយសារមានក្លិនស្អុយនេះបានធ្វើអោយពួកគាត់មាន ការពិបាកទ្រាំងយ៉ាងខ្លាំង រហូតរកកល់ឈឺជាច្រើនសា ។ ក្រុមប្រជាពលរដ្ឋទាំងអស់ដែល រស់នៅតំបន់នោះបានអះអាងដូចគ្នា ថាកាលពីឆ្នាំមុននៅរដូវនេះក៏មានទឹកពណ៏ខ្មៅក្លិនស្អុយនេះដែរ តែក្រោយមកបន្ទាប់ពីមានបណ្តាញសារ ពត៏មានចុះផ្សាយពីផលប៉ះពាល់ដល់បរិស្ថានដ៏ធ្ងន់ធ្ងរ នេះ ទឹកកង្វក់ទាំងនោះក៏បានបាត់ស្ទើរទាំងស្រុង និងក្រោយមកក្លាយជាទឹកព្រែកដ៏ស្រស់ស្អាតវិញ។ទើបតែនៅ ប៉ុន្មានថ្ងៃមុននេះក៏ស្រាប់តែមានទឹកកង្វក់ក្លិនស្អុយមក ម្តងទៀតដូចនេះគាត់អាចសន្និដ្ឋានថាទឹកស្អុយទាំងនោះគឺមក ពីអាងចម្រោះទឹកស្អាត។ប្រភពដ៏ដែលបានបន្តដោយ សង្កត់ធ្ងន់ថាភាពកង្វក់ក្លិនស្អុយទាំងនេះវាមិនត្រឹមតែធ្វើឲ្យប៉ះពាល់ដល់ពួក គាត់ប៉ុណ្ណោះទេ គឺ វាបានប៉ះពាល់យ៉ាងធ្ងន់ធ្ងរដល់កិត្តិនាម ឆ្នេរ ស្អាតលើពិភពលោក ក៏ដូចភ្ញៀវទេសចរដែលបានអញ្ចើញមកទស្សនានៅទីនេះផងដែរ ។ដូចនេះពួកគាត់ទាំងអស់គ្នាសូមធ្វើការសំនូមពរដ៏ទទូចដល់ អាជ្ញាធរដែនដី ស្ថាប័នពាក់ព័ន្ឋ ក៏ ដូចរាជរដ្ឋាភិបាលសូមលោកមេត្តាជួយដោះស្រាយទាក់ទិនទៅនឹងបញ្ហារបរិស្ថាន(ទឹកកង្វក់ក្លិនស្អុយ) នេះផង បើមិនដូច្នេះទេវានឹងបង្កផលប៉ះពាល់កាន់តែធំ និងគ្រោះថ្នាក់យ៉ាងធ្ងន់ធ្ងរដល់ទឹកដីទេសចរដ៏មានសក្តា នុពលនេះជាក់ជាមិនខាន។
លោក ហែម សារឿនប្រធានមន្ទីរបរិស្ថានខេត្តព្រះសីហនុបាននិយាយថាទឹកកង្វក់ទាំងនេះ លោកមិនហ៊ានសន្និដ្ឋានទេ ទុកឲ្យអង្គភាពពាក់ព័ន្ឋ និង ថ្នាកលើត្រួតពិនិត្យជាក់ស្តែង។ លោកបន្តថាបញ្ហានេះលោកក៏កំពុងគិតគូរដែរ តែពុំទាន់មានដំណោះស្រាយ។
លោក ណុប ហេង ប្រធានមន្ទីរសារធារណការនិងដឹកជញ្ជូនខេត្តព្រះសីហនុ និងជាអ្នកគ្រប់គ្រងអាងចម្រោះទឹកស្អាត់របស់ខេត្តព្រះសីហនុ ពុំអាចសុំកាបំភ្លឺបាន ដោយសារទូរស័ព្ទជាប់រវល់ ៕
0 comments:
Post a Comment